Anemoc : Letra de ligason n°1 – novembre de 2011Dins gaire mai de tres mes, lo 31 de març de 2012, serem totei a Tolosa... per una jornada de mobilizacion grandarassa per la lenga occitana. L’i serem per dire que volèm una lèi que done un vertadier estatut juridic a nòstra lenga.
Una lèi que permete la mesa en plaça reala, per l’occitan, d’una politica linguistica publica coerenta e volontarista per son desvolopament sus l’ensems de l’espandi occitan.
L’Estat a totjorn pas pres de disposicions seriosas.
Alora, mai que jamai, se devèm de demostrar que la demanda es totjorn tant fòrta e encara mai, que contunia de créisser ambé lo temps que passa...
Se devèm de renfortir la pression...
Se devèm de faire virar l’informacion, de lònga, pròchi leis elegits (sa preséncia au nòstre costat es tras qu’importanta e n’i a de mai en mai que prenon una posicion favorabla !), lei medias, lo monde associatiu e totei lei compausantas de la societat civila...
A cadun, dins son relarg, d’obrar per espandir nòstrei revendicacions e motivar leis uns e leis autrei d’èstre presents lo 31 de març de 2012, a Tolosa...
La Coordinacion emplèga despuei lo mes d’octòbre una permanenta : Gemma Cuní .
La trobaretz a Coordinacion (IEO Fed)Ostal d’Occitània11 carrièra Malcosinat31000 TOLOSA / TOULOUSE2012@manifestarperloccitan.com05 34 44 97 11
Tre ara, la Coordinacion vos prepausa :
— leis afichas (0,15€ l’una), de comandar a Gemma (leis aurem la setmana que vèn).
— podètz tanben descargar lo visuau sus lo site : anemoc.org . Es liura de drech tant qu’es utilizada per faire la promocion de la Manifestacion.
Tre la sematna que vèn, per vos ajudar dins vòstre pretzfach poiretz :
— descargar tanben lo dorsier de premsa (d’adaptar eventualament a la situacion locala...) e la Crida 2012, mentre qu’un mèl vos confirmarà gaire après coma la comandar...
e enfin, lèu una novèla letra de ligason vos donarà, entre autra, de nòvas dau Vilatge Occitan... e coma l’i reservar una plaça, s’aquò vos interessa !
Anem ! Òc ! Per la lenga occitana !
A lèu, coralament,
per la Coordinacion
P.AM
http://anemoc.macarel.net/node/124
