Menu di dui settimani fà, u ducumentu PADDUC prisintatu da a nova maghjurità di manca à l’Assemblea di Corsica è Maria Giudicelli, era sciaccamanatu à dui mani guasgi da l’emiciculu sanu, dopu à un longu dibattitu vivu è animatu. Un mudellu novu di sviluppu pà l’isula pighjendu in contu parechji prublematichi ecunomichi, suciali, fundarii, fiscali è culturali frà altri. A lingua Corsa ni faci parti dinò dunqua, cù u latu di a co ufficialità di quissa quèi, ghjintrendu ind’u quadru di un’evuluzioni istituziunali nova. Pà Ghjiseppu Turchini, raprisintanti di l’associu di l’insignanti in lingua è cultura Corsa, un’uccasioni "storica" si prisenta pà un veru dialogu trà u Statu è a CTC pà un sviluppu di quilli pà a lingua, è un spannamentu liatu inde tutti i settori di a sucità.